Viðskipti erlent

Lindsay Lohan verður fylgdarkona Lugner í ár

Actavis og Teva leggja fram tilboð í Ratiopharm

Actavis og Teva eru bæði búin að leggja fram tilboð í þýska samheitalyfjafyrirtækið Ratiopharm. Talið er að bandaríski lyfjarisinn Pfizer muni einnig leggja fram tilboð fyrir lok mánaðarins en áður hafði komið fram að Pfizer væri hætt við að reyna að kaupa Ratiopharm.

Google fyrirtækið hótar að hætta starfsemi í Kína

Google fyrirtækið hefur hótað því að hætta allri starfsemi í Kína vegna þess að fyrirtækið hefur orðið fyrir árásum af hálfu kínverskra tölvuhakkara.

Spáir hálfri milljón atvinnulausra í Danmörku í ár

Helge J. Pedersen aðalhagfræðingur Nordea bankans spáir því að hálf milljón Dana muni verða atvinnulausir á þessu ári, að hluta eða öllu leyti. Þetta byggir Pedersen á nýjum tölum frá hagstofu Danmerkur.

Kanadískt rækjustríð eykur landanir í Reykjavík

Stjórnvöld í Kanada eru nú komin í stríð við grænlenska og færeyska rækjusjómenn. Í næstu viku munu stjórnvöld loka höfnum á austurströnd Kanada fyrir rækjuskipum þessara þjóða. Það hefur aftur þær afleiðingar að landanir færeyska rækjuskipa flytjast að hluta til Reykjavíkur.

Óttinn er kominn aftur, rautt í öllum kauphöllum

Hinn þekkti fjárfestir Bill Gross segir að óttinn sé kominn aftur á fjármálamarkaði heimsins. Þetta sjáist best á því að rauðar tölur eru nú í nær öllum kauphöllum heimsins. Markaðurinn á Wall Street endaði í mínus í gærkvöldi, Asíumarkaðirnir upplifðu stærsta fall sitt á síðustu mánuðum í nótt og vísitölur lækka í öllum kauphöllum Evrópu í dag.

Hollywood draumum Kaupþings og Candy-bræðra lokið

Candy-bræðurnir bresku og Richard Caring hafa nú endanlega tapað Lotus-verkefni sínu í Beverly Hills. Kaupþing tekur mikinn skell vegna þessa en bankinn fjármagnaði þá bræður. Verkið samanstendur af 235 lúxusíbúðum auk verslana og veitingahúsa.

FIH bankinn hagnaðist um 280 milljónir í fyrra

FIH bankinn danski skilaði hagnaði upp á um 280 milljónir kr. í fyrra eftir skatta. Uppgjör ársins veldur vonbrigðum meðal danskra fjárfesta að því er segir í frétt um málið á börsen,dk.

Óbreyttir stýrivextir hjá ECB og Englandsbanka

Bæði Seðlabanki Evrópu (ECB) og Englandsbanki héldu stýrivöxtum sínum óbreyttum í dag. Vextir ECB verða því áfram 1% og vextir Englandsbanka haldast áfram í hinu sögulega lágmarki 0,5%.

Gott uppgjör hjá Deutsche Bank

Deutsche Bank skilaði góðu uppgjöri á fjórða ársfjórðungi síðasta árs. Hagnaður eftir skatta nam 1.3 milljarði evra eða um 230 milljörðum kr. Til samanburðar má nefna að Deutsche Bank skilaði tapi upp á 4,8 milljarða evra á sama tímbili árið 2008.

Uppgjör Danske Bank veldur vonbrigðum

Danske Bank náði hagnaði upp á 1,7 milljarða danskra kr. eða um 40 milljörðum kr. eftir skatta í fyrra. Uppgjörið fyrir árið sem bankinn birti í morgun veldur vonbrigðum þótt að hagnaður bankans aukist nokkuð frá hryllingsárinu 2008 þegar hann nam einum milljarði danskra kr.

Hver starfsmaður hjá Skagen fær 21 milljón í bónus

Hver einasti starfsmaður norska félagsins Skagen AS mun fá minnst eina milljón norskra kr. eða ríflega 21 milljón kr. í bónus fyrir síðasta ár. Skagen AS rekur þrjá hlutabréfa og verðbréfasjóði og gekk þeim það vel að hagnaður eftir skatta á síðasta ári nam 582 milljónum norskra kr. eða um 12 milljörðum kr.

Seðlabanki Noregs heldur óbreyttum vöxtum

Seðlabanki Noregs, Norges Bank, hélt stýrvöxtum sínum óbreyttum í 1,75% á vaxtaákvörðunardegi í dag. Þetta er í takt við væntingar sérfræðinga.

Rússar slógust um Picasso málverk á uppboði

Rússneskir kaupendur slógust um málverk eftir Picasso á uppboði hjá Christie´s í London í vikunni. Hin ákafa barátta um verkið, sem er Tete de Femme frá árinu 1963, olli því að það var slegið á 8,1 milljón punda eða nokkuð yfir 1,6 milljarða kr.

Brynvörðum peningaflutningabíl breytt í lúxuslimmósínu

Neyðin kennir naktri konu að spinna segir máltækið og það á vel við um eigendur fyrirtækis í Dallas Texas sem sérhæfir sig í flutningum á peningum milli staða í brynvörðum bílum. Viðskiptin hafa dalað mikið í kreppunni og því greip fyrirtækið til þess ráð að breyta bílum sínum í lúxuslimmósínur fyrir hina frægu og ríku.

Skuldabréfaútgáfa ManU orðin verulegt klúður

Þeir fjárfestar sem tóku þátt í 500 milljóna punda skuldabréfaútgáfu enska úrvalsdeildarliðsins Manchester United (ManU) sitja nú eftir með sárt ennið. Verð á þessum skuldabréfum hefur hríðfallið á þeim tveimur vikum sem liðnar eru frá útgáfunni.

Þráðlaust rafmagn og þrívíddarsjónvarp

„Sýningin var vel heppnuð og er orðin nokkuð stór, en þarna voru um 120 þúsund manns,“ segir Björn Gunnar Birgisson, yfirvörustjóri PC tölva og íhluta hjá Nýherja. Hann sótti heim CES-raftækjasýninguna sem haldin er í Las Vegas í Bandaríkjunum í janúar ár hvert. Þar keppast framleiðendur um að kynna „tækni framtíðarinnar“.

Aftur til framtíðar í efnahagsmálum

Helstu hugmyndir Baracks Obama Bandaríkjaforseta um yfirhalningu bankakerfisins eru sóttar í smiðju Paul Volcker, fyrrverandi seðlabankastjóra Bandaríkjanna. Volcker var tvímælalaust farsælasti seðlabankastjórinn á 20. öld og meðal þeirra fyrstu til að vara við ágöllum þess sem við kölluðum „hið nýja og góða fjármálakerfi“.

Toyota reiknar með samdrætti

Samdráttur í sölu vegna innköllunar á bílum vegna galla í bensíngjöf nýrra Toyota-bíla kann að verða meiri en vegna fyrri innkallana, að sögn framkvæmdastjóra Toyota Motor Corp., Shinichi Sasaki. Hann segir þetta vera vegna þess að gallinn sé alvarlegri en áður hafi þekkst hjá fyrirtækinu.

Reuters: Actavis í kjörstöðu að eignast Ratiopharm

Í nýrri frétt á Reuters kemur fram að Actavis sé nú komið í kjörstöðu til að eignast þýska samheitalyfjafyrirtækið Ratiopharm. Bandaríski lyfjarisinn Pfizer sé dottinn út úr kaupferlinu og Teva frá Ísrael ætli sér í mikinn niðurskurð á starfsfólki í Þýskalandi sem hugnist ekki eigendum Ratiopharm.

Sænskum bönkum blæðir út í Eystrasaltslöndunum

Samkvæmt útreikningum Riksbanken það er sænska seðlabankans munu sænsku bankarnir SEB, Swedbank og Nordea tapa 120 milljörðum sænskra kr. eða tæplega 2.200 milljörðum kr. í Eystrasaltslöndunum samanlagt árin 2009 og 2010.

Verðlækkanir á hrásykri framundan, sykurbólunni lokið

Verðlækkanir á hrásykri eru framundan og telja sérfræðingar að sykurbólunni sem verið hefur á markaðinum allt síðasta ár sé lokið. Verð á hrásykri náði rúmum 30 sentum á pundið í síðasta mánuði og var það hæsta verð sem fengist hefur síðan í janúar 1981 eða fyrir 29 árum.

Þýskaland og Sviss á leið í skattastríð

Þýsk stjórnvöld hafa lýst yfir áhuga sínum á því að taka tilboði tölvusérfræðings sem hefur boðið þeim lista með nöfnun 1.500 Þjóðverja sem eiga leynilega reikninga í svissneskum bönkum. Þetta hefur vakið nokkuð hörð viðbrögð af hálfu svissneskra stjórnvalda.

IKEA í stórsókn á danska markaðinum

Sænski húsgagnarisinn IKEA er í stórsókn í Danmörku og hefur náð til sín fjölda viðskiptavina frá samkeppnisaðilum sínum á danska markaðinum. IKEA hyggur á frekari vöxt á þessum markaði og ætlar að nýta sér kreppuna til að stinga lengra af frá keppinautum sínum.

Ráðherra varar við falli UBS bankans í Sviss

Eveline Widmer-Schlumpf dómsmálaráðherra Sviss hefur varað við því að UBS bankinn gæti fallið. Framtíð bankans mun ráðast af viðkvæmum samningaviðræðum sem eru í gangi í Bandaríkjunum í tengslum við umfangsmikla rannsókn á skattsvikum þar í landi.

Dr. Doom óttast fasteignabólu í Noregi

Hagfræðiprófessorinn Nouriel Roubini, betur þekktur sem dr. Doom, óttast að fasteignabóla sé í uppsiglingu í Noregi. Þetta kom fram í ræð sem hann hélt á ráðstefnu í Osló en þangað flaug prófessorinn beint frá Davos í Sviss.

Fjármagn flæðir út úr Evrópu á methraða

Fjárfestar eru að draga fé sitt út úr Evrópu á methraða á sama tíma og seðlabankar draga úr evrukaupum sínum. Þetta þýðir að evran sem gjalderyisforðamynt er langt frá því að fella dollarann úr sessi.

Álverð fellur á heimsmarkaði eins og aðrar hrávörur

Álverðið á markaðinum í London hefur fallið töluvert undanfarnar tvær vikur og er komið niður í 2.095 dollara á tonnið miðað við þriggja mánaða framvirka samninga. Hæst fór verðið í rúma 2.300 dollara fyrrrihluta janúarmánaðar.

Sænska öryggislögreglan og FBI stoppuðu söluna á Saab

Í ljós hefur komið að sænska öryggislögereglan og bandaríska alríkislögreglan FBI stoppuðu söluna á Saab í desember s.l. Ástæðan voru tengsl Antonovgroup við skipulagða glæpastarfsemi í Rússlandi. Salan fór síðan fram í þessum mánuði eftir að Antonovgroup var komin úr kaupendahópnum.

Stjórnendur Toyota fara í sérstakt fjölmiðlaátak

Stjórnendur Toyota framleiðandans eru að fara af stað með sérstakt fjölmiðlaátak í Bandaríkjunum til þess að bæta ímynd bílanna.