Borgarráð frestar ákvörðun

Borgarráð Reykjavíkur frestaði ákvörðun um hvenær uppbygging mannvirkja á Laugardalsvelli gæti hafist. Borgarráði barst bréf þess efnis frá borgarverkfræðing þar sem leitað var eftir samþykki til að hefja framkvæmdir nú þegar á skrifstofuhúsnæði KSÍ þar sem framkvæmdin verður alfarið á vegum KSÍ. Hinsvegar var ekki farið fram á leyfi til þess að hefjast handa við þann hluta framkvæmda sem kostaður verður af ríkinu þar sem raunsæ kostnaðaráætlun liggur ekki fyrir.