Stjörnustúlkur gerðu jafntefli

Stjarnan gerði í dag 24-24 jafntefli við Spono Nottwil frá Sviss í Evrópukeppninni, en liðin áttust við að Ásgarði. Á morgun spila Stjörnustelpur við Eskisehir frá Tyrklandi, en þær unnu stórsigur á gríska liðinu Makedonikos í dag. Leikurinn á morgun hefst klukkan 16:30. Á sunnudaginn spila stelpurnar svo við þær grísku. Stjörnustúlkur eiga ágæta möguleika á að komast upp úr riðlinum, en aðeins eitt lið kemst áfram. Sigri Stjarnan á morgun eru þær komnar með annan fótin áfram í næstu umferð.