7000 nýskráningar í Samfylkinguna

Gríðarleg smölun stuðningsmanna formannsefnanna í Samfylkingunni hefur skilað sjö þúsund nýjum flokksmönnum sem er aukning um tæp 54 prósent frá áramótum. Þá voru skráðir flokksmenn u.þ.b. þrettán þúsund en eru nú rétt um tuttugu þúsund eftir að frestur til að skrá sig í flokkinn, til að geta tekið þátt í formannskjörinu, rann út á föstudag. Kjörseðlar verða sendir út á föstudag en úrslitin verða ekki birt fyrr en á flokksþinginu 21. maí. Kosið verður um varaformann á þinginu sjálfu.