Áhuginn vaknaði í tölvuleik 10. maí 2005 00:01 "Rosalega ertu fullorðinslegur. Ertu ekki bara fimmtán ára?" spyr blaðakona furðu lostin þegar Birgir svarar í símann. "Jú, ég heyri mjög oft að ég sé fullorðinslegur. Ég er líka með svo djúpa rödd," segir Birgir og hlær. Birgir hefur verið veikur fyrir bílum alla tíð og þegar hann var sjö ára kunni hann flest öll nöfn bílaframleiðanda heimsins utan að. "Ég man eftir fyrstu kynnum mínum af Formúlu 1. Það var sumarið 1999. Pabbi var að horfa og ég gekk inn í stofu og sá einn bílinn taka eina beygju og fussaði og sveiaði," segir Birgir sem er samt harður Formúlu maður í dag. "Áhuginn á formúlunni kviknaði um haustið 2000 þegar ég fékk tölvuleik í gjöf sem heitir Formula One 2000. Ég hef náttúrulega alltaf haft mikinn bílaáhuga og kappaksturinn var næsta skref." Sumarið 2001 tók Birgir upp á því að búa til tímarit sem hann kallaði F1-fréttir og var eingöngu um formúluna. Þegar leið á veturinn var Birgir búinn að eyða nógu bleki úr prentara föður síns þannig að hann bjó til vefsetrið F1 Center sem var upphaflega allt á ensku og hýst á fríu vefsvæði. Í fyrrasumar einfaldaði Birgir vefsvæðið og snaraði því yfir á íslensku. "Go.is voru svo góðir að hýsa síðuna frítt fyrir mig á f1center.go.is. En ætlunin er auðvitað að græða kannski smá pening á þessu einhvern daginn en það kemur allt í ljós." Það mætti halda að blaðamennskan og vefsíðan væru nóg fyrir Birgi en svo er aldeilis ekki. "Ég er ósköp venjulegur unglingur. Ég ber út blöð, fer reglulega í sjoppuna með vinum mínum, er á fullu í félagsstarfi í skólanum og æfi sund með keppnishópi sundfélagsins Ægis sem hefur reyndar setið aðeins á hakanum að undanförnu. Ég kann ekki að segja nei. Ég tek alltaf að mér alltof mikið og enda stundum á því að gera tvennt í einu. En ég geri alltaf mitt besta og ef ég fæ tækifæri þá verð ég að grípa það. Stundum fer ég oft á dag á Formúlu 1 síður á netinu og uppfæri vefsvæðið mitt stöðugt. Svo fer mikill tími í heimildavinnu fyrir greinarnar í Bílar og sport þannig að það er nóg að gera," segir Birgir sem er staðráðinn í því að læra fjölmiðlafræði í útlöndum eftir stúdentspróf. En er bílaáhugamaðurinn ekki búinn að kaupa sér bíl þótt hann vanti tvö ár í sjálft prófið? "Ég var komin með aðra höndina á bíl sem ég ætlaði að safna mér fyrir en hann var keyptur frá mér. Ég er náttúrulega eins og aðrir unglingar -- kann ekki að safna. En mig langar í gamlan, helst gangfæran Land Rover. Það væri fínt að hafa ár til að gera við hann þannig að ég gæti farið beint á götuna þegar ég fæ prófið. Ég fæ reyndar æfingarakstursleyfi í sumar og hlakka mikið til þess." Bílar Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Kvaddi dramað og flutti fyrir ástina Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Rosalega ertu fullorðinslegur. Ertu ekki bara fimmtán ára?" spyr blaðakona furðu lostin þegar Birgir svarar í símann. "Jú, ég heyri mjög oft að ég sé fullorðinslegur. Ég er líka með svo djúpa rödd," segir Birgir og hlær. Birgir hefur verið veikur fyrir bílum alla tíð og þegar hann var sjö ára kunni hann flest öll nöfn bílaframleiðanda heimsins utan að. "Ég man eftir fyrstu kynnum mínum af Formúlu 1. Það var sumarið 1999. Pabbi var að horfa og ég gekk inn í stofu og sá einn bílinn taka eina beygju og fussaði og sveiaði," segir Birgir sem er samt harður Formúlu maður í dag. "Áhuginn á formúlunni kviknaði um haustið 2000 þegar ég fékk tölvuleik í gjöf sem heitir Formula One 2000. Ég hef náttúrulega alltaf haft mikinn bílaáhuga og kappaksturinn var næsta skref." Sumarið 2001 tók Birgir upp á því að búa til tímarit sem hann kallaði F1-fréttir og var eingöngu um formúluna. Þegar leið á veturinn var Birgir búinn að eyða nógu bleki úr prentara föður síns þannig að hann bjó til vefsetrið F1 Center sem var upphaflega allt á ensku og hýst á fríu vefsvæði. Í fyrrasumar einfaldaði Birgir vefsvæðið og snaraði því yfir á íslensku. "Go.is voru svo góðir að hýsa síðuna frítt fyrir mig á f1center.go.is. En ætlunin er auðvitað að græða kannski smá pening á þessu einhvern daginn en það kemur allt í ljós." Það mætti halda að blaðamennskan og vefsíðan væru nóg fyrir Birgi en svo er aldeilis ekki. "Ég er ósköp venjulegur unglingur. Ég ber út blöð, fer reglulega í sjoppuna með vinum mínum, er á fullu í félagsstarfi í skólanum og æfi sund með keppnishópi sundfélagsins Ægis sem hefur reyndar setið aðeins á hakanum að undanförnu. Ég kann ekki að segja nei. Ég tek alltaf að mér alltof mikið og enda stundum á því að gera tvennt í einu. En ég geri alltaf mitt besta og ef ég fæ tækifæri þá verð ég að grípa það. Stundum fer ég oft á dag á Formúlu 1 síður á netinu og uppfæri vefsvæðið mitt stöðugt. Svo fer mikill tími í heimildavinnu fyrir greinarnar í Bílar og sport þannig að það er nóg að gera," segir Birgir sem er staðráðinn í því að læra fjölmiðlafræði í útlöndum eftir stúdentspróf. En er bílaáhugamaðurinn ekki búinn að kaupa sér bíl þótt hann vanti tvö ár í sjálft prófið? "Ég var komin með aðra höndina á bíl sem ég ætlaði að safna mér fyrir en hann var keyptur frá mér. Ég er náttúrulega eins og aðrir unglingar -- kann ekki að safna. En mig langar í gamlan, helst gangfæran Land Rover. Það væri fínt að hafa ár til að gera við hann þannig að ég gæti farið beint á götuna þegar ég fæ prófið. Ég fæ reyndar æfingarakstursleyfi í sumar og hlakka mikið til þess."
Bílar Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Kvaddi dramað og flutti fyrir ástina Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira