Heiðar kom inn á hjá Fulham

Hermann Hreiðarsson lék allan leikinn með Charlton sem sigraði nýliða Wigan 1-0 í ensku úrvalsdeildinni í fótbolta í dag. Charlton hefur þar með unnið báða fyrstu leiki sína í deildinni á tímabilinu. Heiðar Helguson kom inn á sem varamaður í liði Fulham sem tapaði 2-1 fyrir Blackburn. Heiðar kom inn á fyrir markaskorararnn Brian Mc Bride á 81. mínútu. Af öðrum leikjum í deildinni í dag fóru úrslit á þann veg að Newcastle og West Ham gerðu markalaust jafntefli, W.B.A. sigraði Portsmouth 2-1 og Tottenham sigraði Middlesbrough 2-0.