Stækkaði brjóstin í útlöndum

Norsk kona hefur verið kærð fyrir að ljúga því að tryggingafélagi sínu að hún hafi neyðst til að ganga undir aðgerð á eggjastokkum sínum á meðan hún var í fríi í Dóminíska lýðveldinu í fyrra. Í raun lét hún bara stækka brjóst sín. Þetta kemur fram á fréttavef Aftenposten.

Aðgerð vegna blaðra á eggjastokkum fellur undir trygginguna sem konan var með, en það gerir brjóstastækkun hins vegar ekki.

Tryggingafélagið hringdi í lækninn í Dóminíska lýðveldinu og fékk uppgefið hver aðgerðin hefði í raun verið og hefur konan játað sök.