570 milljónir í hálfsársuppgjöri

Hagnaður Sparisjóðs vélstjóra nam rúmum 570 milljónum króna eftir skatta á fyrri helmingi árs. Hagnaður sparisjóðsins jókst um tæp tuttugu og fjögur prósent miðað við sama tímabil í fyrra.

Hreinar rekstrartekjur námu rúmum 1,2 milljörðum króna og jukust um tæpar tvö hundruð milljónir milli ára. Útlán sparisjóðsins til viðskiptavina námu 30,2 milljörðum króna og hafa aukist um fjórðung frá áramótum.

Í tilkynningu frá Sparisjóði vélstjóra segir að reksturinn hafi gengið vel fyrstu sex mánuði ársins 2006 og að hagnaður sé umfram áætlanir.