Henry er stórkostlegur

Ferran Soriano, varaforstjóri Barcelona, segir að Thierry Henry sé stórkostlegur leikmaður sem öll félög myndu vilja hafa í sínum röðum. Þar sé Barcelona engin undantekning.

Soriano var á meðal áhorfenda á Bernabeu-leikvanginum í Madrid í gær og horfði á Henry skora stórkostlegt mark. Henry hefur lengi verið orðaður við sölu til Barcelona í sumar en Soriano segist ekki gefa sér miklar vonir.

"Ef hann yrði falur einn daginn myndum við sannarlega ræða við hann, en í augnablikinu er hann samningsbundinn Arsenal í í viðræðum um nýjan samning," sagði Soriano.