Middlesbrough mætir Basel

Í hádeginu var dregið í átta liða úrslit Evrópukeppni félagsliða í knattspyrnu. Fulltrúar Englendinga í keppninni, Middlesbrough, mæta svissneska liðinu Basel sem leikur undir stjórn knattspyrnustjórans Christian Gross sem eitt sinn stýrði Tottenham Hotspurs.

Sevilla frá Spáni mætir Zenit frá Pétursborg, Levski Sofia mætir Schalke og þá eigast við grannaliðin Rapid og Steua frá Búkarest. Sigri Middlesbrough í viðureign sinni við Basel, mætir liðið öðru liðanna frá Búkarest í undanúrslitunum.