Reynsluleysi Arsenal segir til sín í undanúrslitunum

Varnarmaðurinnn Rodolfo Arruabarrena hjá Villareal sem skoraði sigurmark liðsins gegn Inter í vikunni, segir að þó Arsenal sé vissulega með hörkulið, muni reynsluleysi ungra leikmanna þess koma til með að segja til sín þegar pressan eykst í undanúrslitum Meistaradeildarinnar.

"Arsenal hefur marga kornunga leikmenn í liði sínu og reynsluleysi þeirra gæti farið að segja til sín þegar í undanúrslitin er komið. Það er hinsvegar ekki hægt að segja annað en að Arsenal og Barcelona séu búin að spila liða best það sem af er keppninni. Þeir spila vel eins og lið og láta boltann fljóta einstaklega vel," sagði Arruabarrena í viðtali við spænska blaðið Marca.