Bakvörðurinn magnaði Roberto Carlos hjá Real Madrid heldur því fram í samtali við spænska dagblaðið Marca í dag að Chelsea hafi áhuga á að fá sig til Englands.
"Það hafa engar formlegar viðræður farið fram, en ég hef öruggar heimildir fyrir því að Chelsea vilji fá mig. Það yrði mjög erfitt að fara frá Real, en eins og staðan er í dag, ríkir nokkur óvissa um framtíð leikmanna þangað til eftir forsetakosningarnar hjá félaginu," sagði hinn 33 ára gamli Carlos.
