Hvalfjarðargöng lokuð næstu nætur

Hvalfjarðargöng verða lokuð í fjórar nætur frá miðnætti til klukkan sex að morgni fram á föstudaginn kemur vegna vinnu í göngunum. Þá stendur yfir viðgerð á ristarhliði á Hringvegi við Fornahvamm sunnan

Holtavörðuheiðar. Meðan á verkinu stendur geta orðið einhverjar umferðartafir þar sem umferðin er tekin til hliðar á einbreiða framhjárein. Þá má einnig búast við töfum við brúna yfir Jökulsá á Breiðamerkursandi vegna vinnu við brúna.

Á Djúpvegi (þjóðvegi 61) við Selá í Hrútafirði standa nú yfir brúarframkvæmdir og er vegfarendum beint um hjáleið. Framkvæmdirnar standa til 25. september eftir því sem fram kemur í tilkynningu frá Vegagerðinni.