Spænska ríkisstjórnin tortryggir Baska

Spænska ríkisstjórnin vill frekari sannanir fyrir því að aðskilnaðarhreyfing Baska, ETA sé hætt ofbeldisverkum, áður en hún gengur til friðarviðræðna.

Liðsmenn ETA eru grunaðir um að hafa staðið á bakvið stuld á meira en þrjúhundruð byssum í franskri vopnaverksjuðju, í síðustu viku. Hreyfingin lýsti yfir vopnahléi í mars síðastliðnum. Jose Luis Zapatero, forsætisráðhera Spánar, sagði í dag að stjórnvöld væru varlega bjartsýn um árangur af friðarviðræðum.

ETA hefur barist fyrir sjálfstæðu ríki Baska á Norður-Spáni í fjörutíu ár, með morðum og sprengjuárásum, sem hafa kostað tugi manna lífið.