Kosningaspá 12. febrúar 2007 00:01 Skoðanakannanir hafa þann augljósa galla að í þeim getur fólk aðeins látið upp afstöðu sína á því augnabliki sem spurningin er borin upp. Tiltölulega einfalt er að svara spurningu eins og: „Hvort langar þig meira í kjöt eða fisk?" Verra er að gefa rétt svar við spurningunni: „Hvort langar þig meira í kjöt eða fisk 12. maí næstkomandi?" Aðeins forfallnar kjöt- eða fiskætur geta svarað slíkri spurningu af einhverri nákvæmni - og samt getur margt breyst á þremur mánuðum. ÚR ÞVÍ AÐ jafn staðfastur fiskimaður og Pétur postuli afneitaði leiðtoga sínum ekki einu sinni heldur þrisvar á einni nóttu er ekki fráleitt að ætla að æði margir eigi eftir að skipta æði oft um skoðanir á þeim þremur mánuðum sem eftir eru fram að kjördegi, 12. maí í vor. SJÁLFUR hef ég þá tilhneigingu að taka meira mark á mjöðminni á mér en skoðanakönnunum enda hefur hún reynst vera næm á bæði veðurbreytingar og rafmagnaða strauma í þjóðarsálinni. Tilfinning segir mér að ríkisstjórnin sé í nokkrum vanda stödd. Sprungið er á varadekkinu og nokkur leiði er kominn upp meðal farþeganna. Sumum finnst þetta ferðalag orðið nokkuð langt og vilja skipta um rútu af því að þeim finnst óloft eða mengunarstybba í bílnum. Aðrir eru nokkuð ánægðir með ferðalagið og altént fegnir því að vera enn þá lifandi þótt þeir séu súrir yfir því að fá ekki að ferðast í nýeinkavæddum Hummer. Sumir vilja halda áfram í sömu rútu og fá annað varadekk. Aðrir vilja nýja rútu og nýjan bílstjóra en erfitt er að sannfæra mannskapinn um að nýja rútan sé skárri en sú gamla. Auk þess hafa margir efasemdir um nýja bílstjórann, bæði hvað varðar ratvísi og ökuleikni. Enn aðrir tala fyrir því að banna útlendingum að sitja í íslenskum rútum og spá því að þeir muni í stað nestis eta íslensku farþegana áður en komið verði á leiðarenda. HVERNIG þetta endar er ómögulegt að segja. En mjöðmin í mér spáir: Frjálslyndir 5%, Framsókn 10%, Samfylking 26%, Sjálfstæðir 38% og VG 21%. Svo á eftir að koma í ljós hvort meira er að marka skoðanakannanir vandaðra fjölmiðla eða mjöðmina á mér. Viltu birta grein á Vísi? Sendu okkur póst. Senda grein Þráinn Bertelsson Mest lesið Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Einu sinni enn Álfhildur Leifsdóttir,Hólmfríður Jennýjar Árnadóttir Skoðun Líf eftir afplánun Eva Sóley Kristjánsdóttir Skoðun Jöfn skipting skulda og eigna í sambúð Sævar Þór Jónsson Skoðun Frumframleiðendur og sérstaða Íslands í alþjóðasamhengi Sveinn Margeirsson, Rakel Halldórsdóttir og Páll Gunnar Pálsson Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun Ég hef… Karólína Helga Símonardóttir Skoðun Samstaða - afl sem breytir samfélaginu Heiða Björg Hilmarsdóttir Skoðun
Skoðanakannanir hafa þann augljósa galla að í þeim getur fólk aðeins látið upp afstöðu sína á því augnabliki sem spurningin er borin upp. Tiltölulega einfalt er að svara spurningu eins og: „Hvort langar þig meira í kjöt eða fisk?" Verra er að gefa rétt svar við spurningunni: „Hvort langar þig meira í kjöt eða fisk 12. maí næstkomandi?" Aðeins forfallnar kjöt- eða fiskætur geta svarað slíkri spurningu af einhverri nákvæmni - og samt getur margt breyst á þremur mánuðum. ÚR ÞVÍ AÐ jafn staðfastur fiskimaður og Pétur postuli afneitaði leiðtoga sínum ekki einu sinni heldur þrisvar á einni nóttu er ekki fráleitt að ætla að æði margir eigi eftir að skipta æði oft um skoðanir á þeim þremur mánuðum sem eftir eru fram að kjördegi, 12. maí í vor. SJÁLFUR hef ég þá tilhneigingu að taka meira mark á mjöðminni á mér en skoðanakönnunum enda hefur hún reynst vera næm á bæði veðurbreytingar og rafmagnaða strauma í þjóðarsálinni. Tilfinning segir mér að ríkisstjórnin sé í nokkrum vanda stödd. Sprungið er á varadekkinu og nokkur leiði er kominn upp meðal farþeganna. Sumum finnst þetta ferðalag orðið nokkuð langt og vilja skipta um rútu af því að þeim finnst óloft eða mengunarstybba í bílnum. Aðrir eru nokkuð ánægðir með ferðalagið og altént fegnir því að vera enn þá lifandi þótt þeir séu súrir yfir því að fá ekki að ferðast í nýeinkavæddum Hummer. Sumir vilja halda áfram í sömu rútu og fá annað varadekk. Aðrir vilja nýja rútu og nýjan bílstjóra en erfitt er að sannfæra mannskapinn um að nýja rútan sé skárri en sú gamla. Auk þess hafa margir efasemdir um nýja bílstjórann, bæði hvað varðar ratvísi og ökuleikni. Enn aðrir tala fyrir því að banna útlendingum að sitja í íslenskum rútum og spá því að þeir muni í stað nestis eta íslensku farþegana áður en komið verði á leiðarenda. HVERNIG þetta endar er ómögulegt að segja. En mjöðmin í mér spáir: Frjálslyndir 5%, Framsókn 10%, Samfylking 26%, Sjálfstæðir 38% og VG 21%. Svo á eftir að koma í ljós hvort meira er að marka skoðanakannanir vandaðra fjölmiðla eða mjöðmina á mér.
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Frumframleiðendur og sérstaða Íslands í alþjóðasamhengi Sveinn Margeirsson, Rakel Halldórsdóttir og Páll Gunnar Pálsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Frumframleiðendur og sérstaða Íslands í alþjóðasamhengi Sveinn Margeirsson, Rakel Halldórsdóttir og Páll Gunnar Pálsson Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun