Norðurlöndin styðja áform um alþjóðlegan samning um notkun kvikasilfurs og annarra þungmálma. Markmiðið er að semja um takmarkaða notkun málma af þessari tegund. Kvikasilfur er einkum notað við allskonar efnaframleiðslu í verksmiðjum, og í rafmagnstækjum.
Umhverfisráðherrar Norðurlandanna samþykktu einnig að styrkja enn frekar starf Norræna umhverfisfjármögnunarfélagsins (NEFCO). NEFCO fjármagnar lítil og meðalstór umhverfisverkefni, meðal annars í Eystrasaltsríkjunum og Rússlandi. Þetta vinnulag verður nú reynt í samstarfi við kínversk umhverfisyfirvöld en þau hafa sýnt NEFCO mikinn áhuga.
