Benitez ánægður fyrir hönd Bellamy og Riise

"Við eigum fína möguleika á að komast áfram en það er mikið eftir af þessu einvígi enn. Barcelona er með frábæra sóknarmenn og við verðum að eiga frábæran leik á Anfield til að klára dæmið, "sagði Rafa Benitez stjóri Liverpool eftir sigurinn á Barcelona í kvöld.

"Það var skemmtileg tilviljun að þeir Bellamy og Riise skyldu skora eftir það sem á undan er gengið, en ég fer ekki ofan af því að æfingaferðin okkar til Portúgal var mjög mikilvæg og þjappaði hópnum saman - burtséð frá vandamálunum sem þar komu upp," sagði Benitez.