Fyrsti leikarinn sem lék njósnarann James Bond er látinn, 89 ára gamall. Barry Nelson lék 007 í sjónvarpsútgáfu af Casino Royal árið 1954. Það var átta árum áður en Sean Connery kom til sögunnar í Dr. No. Barry Nelson var á samningi hjá MGM á fjórða og fimmta áratug síðustu aldar. Þá söðlaði hann um og lék mest á sviði eftir það.
Fyrir utan sjónvarp og leikhús lék Nelson aukahlutverk í fjölmörgum kvikmyndum. Af þeim má nefna Airport og The Shining.
