Mancini verður áfram hjá Inter

Massimo Moratti, forseti nýkrýndra Ítalíumeistara í Inter Milan, kom öllum á óvart í gær þegar hann tilkynnti að þjálfarinn Roberto Mancini hefði framlengt samning sinn við félagið fyrir nokkru síðan. Moratti náðu að leyna fréttunum frá ítölskum fjölmiðlum, en staða Mancini hjá félaginu hafði alls ekki þótt örugg.

Mancini stýrði Inter til besta árangurs liðsins í sögunni í vetur og segir Moratti að það hafi aldrei komið annað til greina en að halda þjálfaranum hjá félaginu.

“Hann hefur þegar framlengt samning sinn fyrir þó nokkru síðan. Um er að ræða fjögurra ára samning með möguleika á fimmta árinu. Mancini er ekki að fara neitt,” lýsti Moratti yfir í gær.