Þrjú fíkniefnamál á höfuðborgarsvæðinu

Lögreglan á höfuðborgarsvæðinu hafði afskipti af þremur fíkniefnamálum í gær. Kona á þrítugsaldri var handtekin í austurborginni þegar hún framvísaði fölsuðum lyfseðli. Kalmaður á fertugsaldri sem tengdist málinu var síðan færður á lögreglustöð. Í íbúð hans fundust ætluð fíkniefni.

Lögregla handtók einnig tvo pilta um tvítugt í austurborginni. Þeir eru grunaðir um fíkniefnamisferli. Annar reyndi að koma ætluðum fíkniefnum undan þegar lögregla kom á staðinn með því að henda þeim undir bíl félaganna.

Þá var par handtekið í Breiðholti. Í fórum konunnar fannst nokkuð magn af ætluðum fíkniefnum í söluumbúðum.