Heimild til hönnunar verknámshúss fengin

Á fundi skólanefndar Fjölbrautaskóla Suðurlands sem haldinn var 9. maí var lögð fram heimild Menntamálaráðuneytisins um að hafist verði handa við hönnun viðbyggingar við verknámshúsið Hamar.  Viðbygging við verknámshúsið hefur verið lengi í undirbúningi enda ljóst að með henni verður hægt að efla og bæta enn frekar verk- og starfsnám við Fjölbrautaskólann. 

Skólanefnd lýsti yfir ánægju sinni með að heimild til hönnunar skuli vera í höfn en sveitarfélög á Suðurlandi standa öll að uppbygginu skólans.