Ólafur Ingi eftirsóttur

Vísir hefur heimildir fyrir því að Ólafur Ingi Skúlason sé eftirsóttur af félögum víða um Evrópu, þeirra á meðal hjá Galatasaray í Tyrklandi.

Félag Ólafs Inga, Helsingborg, gerði góða ferð til Tyrklands á dögunum þar sem liðið vann óvæntan 3-2 sigur á Galatasaray.

Forráðamenn tyrkneska félagsins munu hafa heillast af Ólafi Inga og herma heimildir Vísis að tilboð gæti verið að leiðinni til sænska félagsins. Bo Nilsson, yfirmaður íþróttamála hjá Helsingborg, sagði að félagið hefði ekkert heyrt frá Galatasaray um Ólaf Inga í samtali við Vísi.

Þá munu tvö norsk félög og tvö félög í Belgíu vera áhugasöm um Ólaf Inga.