Njósnari Lakers situr fyrir nakinn

Bonnie-Jill Laflin, njósnari fyrir NBA lið LA Lakers, mun sitja fyrir nakin í auglýsingu fyrir Alþjóða dýraverndunarsamtökin sem birt verður í fjármálahverfinu í New York í næstu viku.

Laflin er leikkona, fyrrum klappstýra Dallas Cowboys og núverandi njósnari fyrir Los Angeles Lakers í NBA deildinni. Hún er eina konan sem gegnir því starfi í NBA.

Auglýsingunni er ætlað að vekja fólk til umhugsunar um heilsu sína, mataræði og lifnaðarhætti og ber slagorðið "Ekki gera líkamann gjaldþrota" og hvetur fólk til að borða grænmeti frekar en kjöt.

Á myndinni liggur hin huggulega Laflin nakin á skrifborði fyrir framan tvo taugaveiklaða verðbréfasala.

"Við lifum á óvissutímum, en fólk getur alltaf stólað á að bæta heilsuna og borða grænmeti frekar en kjöt - bæði heilsunnar og dýranna vegna," sagði Laflin.