Langstærsta tap Njarðvíkur í úrvalsdeild karla

Njarðvíkingar hafa aldrei tapað stærra í úrvalsdeild karla en þeir gerðu í DHL-Höll þeirra KR-inga í kvöld. KR vann leik liðanna með 55 stigum, 103-48, sem er meira en tvöfalt stærra en stærsta deildartap Njarðvíkur fyrir þennan leik.

Það tap er enn í fersku minni margra en Njarðvík tapaði með 25 stigum yfir FSU í fyrstu umferð Iceland Express deildar karla í vetur. Njarðvík hafði tapað stærra í úrslitakeppninni en stærsta tap Njarðvíkur á Íslandsmóti fyrir leikinn í kvöld var 44 stiga tap á móti Keflavík í þriðja leik undanúrslitanna 2003.

KR-ingar bættu sinn stærsta sigur á Njarðvík líka umtalsvert en þeir höfðu unnið stærsta sigurinn í oddaleik liðann í úrslitakeppninni árið 2000 en KR-liðið vann þá með 23 stigum í Ljónagryfjunni í Njarðvík. Þetta er aðeins í fjórtánda skiptið í sögu úrvalsdeildar karla (frá 1978) þar sem Njarðvíkingar tapa með 20 stigum eða meira á Íslandsmóti.

Hér fyrir neðan má sjá yfirlit yfir stærstu töp Njarðvíkinga í úrvalsdeild karla.

Stærstu töp Njarðvíkur í deildarkeppni úrvalsdeildar:

-55 á móti KR í DHL-Höllinni 17. nóvember 2008 (48-103)

-25 á móti FSu í Iðu 16.októtber 2008 (78-103)

-24 á móti Keflavík í Njarðvík 28. október 2001 (65-89)

-22 á móti Keflavík í Njarðvík 15. nóvember 1992 (73-95)

-21 á móti Fram í Njarðvík 20. nóvember 1981 (71-92)

-21 á móti Val á Hlíðarenda 30. janúar 2003 (69-90)

Stærstu töp Njarðvíkur í deildar- og úrslitakeppni úrvalsdeildar:

-55 á móti KR í DHL-Höllinni 17. nóvember 2008 (48-103)

-44 á móti Keflavík í Keflavík í úrslitakeppninni 23. mars 2003 (64-108)

-33 á móti Grindavík í Grindavík í úrslitakeppnini 20. mars 1997 (88-121)

-28 á móti Keflavík í Keflavík í úrslitakeppninni 31. mars 1998 (81-119)

-25 á móti Keflavík í Keflavík í úrslitakeppninni 22. mars 1996 (74-99)

-25 á móti Keflavík í Keflavík í úrslitakeppninni 28. mars 2003 (80-108)

-25 á móti FSu í Iðu 16.októtber 2008 (78-103)

-24 á móti Keflavík í Njarðvík 28. október 2001 (65-89)

-23 á móti Grindavík í Grindavík í úrslitakeppninni 12. apríl 1994 (67-90)

-23 á móti KR í Njarðvík í úrslitakeppni 4. apríl 2000 (55-78)

-22 á móti Keflavík í Njarðvík 15. nóvember 1992 (73-95)

-21 á móti Fram í Njarðvík 20. nóvember 1981 (71-92)

-21 á móti Val á Hlíðarenda 30. janúar 2003 (69-90)

-20 á móti Grindavík í Grindavík í úrslitakeppninni 30. mars 1995 (92-112)