KR-ingar áttu 10 af 11 bestu leikmönnum vallarins

Það er athyglisvert að skoða tölfræðina úr leik KR og Njarðvíkur í Iceland Express deildinni í gær þar sem heimamenn í KR unnu 55 stiga sigur á gestunum úr Njarðvík, 103-48.

Það er sama hvar er litið því yfirburðir KR-inga voru ótrúlegir þrátt fyrir að bara einn byrjunarliðsmaður liðsins hafi náð að spila í 20 mínútur - fyrirliðinn Fannar Ólafsson.

Þegar upp var staðið þá voru 10 af 11 bestu leikmönnum vallarins í KR-búningi en þá er litið á framlag þeirra til síns liðs. Njarðvíkingurinn Friðrik Stefánsson (18 í framlagi) var í 2. sæti á eftir Jason Dourisseau (20 á 15 mínútum) en KR-ingar skipuðu síðan tíu næstu sæti. Næsti Njarðvíkingur á lista var Hjörtur Hrafn Einarsson sem var með tólfta hæsta framlagið í þessum sögulega leik.

Þegar litið er á hvert framlag leikmanna væri ef þeir hefðu skilað sömu tölum og spilað allan leikinn þá eru KR-ingar einráðir enda eiga þeir þar sjö efstu menn þar af voru þrír þeirra, Jason Dourisseau (53,3), Darri Hilmarsson (35,8) og Jón Arnór Stefánsson (31,1) yfir þrjátíu í framlagi á hverjar 40 mínútur.

Friðrik Stefánsson (18 stig, 14 fráköst) bar af í liði Njarðvíkur en hinir landsliðsmennirnir Logi Gunnarsson og Magnús Þór Gunnarsson sáu ekki til sólar í þessum leik. Logi skoraði ekki sín fyrstu stig fyrr en Njarðvík var komið 30 stigum undir og Magnús Þór Gunnarsson klikkaði á öllum sjö skotum sínum utan af velli. Magnús Þór var í 16. sæti yfir hæsta framlagið í þessum leik en Logi var aðeins í 19. til 22. sæti ásamt þremur öðrum félögum sínum í liðinu. Logi var einn af sex leikmönnum liðsins þar framlag þeirra til leiksins var neikvætt.

Byrjunarlið KR lék aðeins í samtals 90 mínútur í leiknum en náði samt að skora 15 stigum meira (56-41) en byrjunarlið Njarðvíkur sem lék í samtals 137 mínútur. KR-bekkurinn skoraði síðan 47 stig á móti aðeins 7 stigum frá bekk Njarðvíkur. KR hitti úr 55 prósent af skotum sínum (41 af 75) á meðan þeir héldu Njarðvíkurliðinu í aðeins 26 prósent skotnýtingu (13 af 50). Njarðvík nýtti aðeins 2 af 18 þriggja stiga skotum sínum (11,1 prósent) en skyttur KR settu niður 10 af 25 þriggja stiga skotum sínum (40,0 prósent). KR-ingar þvinguðu líka 24 tapaða bolta hjá Njarðvík á meðan þeir töpuðu aðeins 7 boltum sjálfir.

Hæsta framlagið í leik KR og Njarðvíkur 17. nóvember 2008:

1. sæti - Jason Dourisseau, KR 20

2. sæti - Friðrik Stefánsson, Njarðvík 18

3. sæti - Darri Hilmarsson, KR 17

4. sæti - Pálmi Freyr Sigurgeirsson, KR 15

4. sæti - Jakob Örn Sigurðarson, KR 15

6. sæti - Jón Arnór Stefánsson, KR 14

7. sæti - Fannar Ólafsson, KR 11

7. sæti - Helgi Már Magnússon, KR 11

9. sæti - Ólafur Már Ægisson, KR 10

9. sæti - Ellert Arnarson, KR 10

11. sæti - Skarphéðinn Freyr Ingason, KR 9

12. sæti - Hjörtur Hrafn Einarsson, Njarðvík 6

13. sæti - Elías Kristjánsson, Njarðvík 5

14. sæti - Guðmundur Þór Magnússon, KR 2

14. sæti - Baldur Ólafsson, KR 2

Hæsta framlagið á hverjar 40 mínútur í leik KR og Njarðvíkur 17. nóvember 2008:

1. sæti - Jason Dourisseau, KR 53,3

2. sæti - Darri Hilmarsson, KR 35,8

3. sæti - Jón Arnór Stefánsson, KR 31,1

4. sæti - Jakob Örn Sigurðarson, KR 28,6

5. sæti - Ólafur Már Ægisson, KR 28,6

6. sæti - Helgi Már Magnússon, KR 27,5

7. sæti - Pálmi Freyr Sigurgeirsson, KR 26,1

8. sæti - Friðrik Stefánsson, Njarðvík 24,8

9. sæti - Skarphéðinn Freyr Ingason, KR 24,0

10. sæti - Ellert Arnarson, KR 22,2

11. sæti - Fannar Ólafsson, KR 22,0

12. sæti - Elías Kristjánsspon, Njarðvík 11,1

13. sæti - Baldur Ólafsson, KR 8,9

14. sæti - Hjörtur Hrafn Einarsson, Njarðvík 8,6

15. sæti - Guðmundur Þór Magnússon, KR 6,7