„Þetta var eins og Guð sjálfur væri mættur á völlinn“

„Þetta var bara sýning Elvars Friðrikssonar“, sagði fyrirliðinn þega hann var spurður um útskýringu á þessu öllu saman.

„Ég hef aldrei séð aðra eins frammistöðu eins og hjá Elvari hérna í fjórða leikhluta. Það var ótrúlegt. Þetta var eins og Guð sjálfur væri mættur á völlinn. Hann átti gólfið, átti þennan leik og kláraði þetta. Þvílíkur leikmaður.“

Fyrirliðinn fór svo fögrum orðum yfir liðsfélagana þegar hann var spurður að því hvað þetta segði um liðið í heild. Elvar Már getur alltaf gert það sem hann gerir vel en hópurinn sjálfur er orðinn mjög góður.

„Ég verð að tala um Tóta og Hilmar sem koma hérna inn. Óli Óla, það áttu þannig frammistöðu að þeir lögðu lóð á vogarskálarnar. Það voru allir óhræddir og allt svona. Það er gott ofan í sýninguna hans Elvars. Þetta var geggjað. Það komur allir inn fullir af sjálfstrausti. Þetta er bara framhald af því sem var að gerast í sumar. Það er bara áfram.“

Er ekki hægt að vinna þá úti?

„Heldur betur. Það er bara upp og áfram.“