Aston Villa gerði góða ferð til Búlgaríu í dag þegar liðið lagði Litex Lovech 3-1 í Evrópukeppni félagsliða.
Englendingarnir byrjuðu illa og lentu undir í leiknum, en Nigel Reo-Coker jafnaði fyrir Villa á lokamínútum fyrri hálfleiks.
Villa nýtti sér svo liðsmuninn eftir að tveimur liðsmönnum Litex var vikið af leikvelli í þeim síðari og Gareth Barry (víti) og Stilian Petrov innsigluðu sigurinn. Barry var hér að leika sinn 400. leik fyrir félagið.
