Collins hættur í viðræðum við Chicago Bulls

Doug Collins hefur tilkynnt að hann muni ekki taka að sér að þjálfa Chicago Bulls í NBA deildinni eins og til stóð. Samingaviðræður milli hans og stjórnar félagsins hafa ekki gengið sem skildi og því hefur Collins bakkað út úr viðræðunum.

"Ég fann bara að eigandinn var orðinn tvístíga í viðræðunum síðustu daga og ég vildi því ekki halda áfram. Þegar ég tek ákvörðun um eitthvað svona, verður það að vera af heilum hug beggja megin borðsins," sagði Collins í samtali við Chicago Tribune í kvöld.