Stefán Gíslason og félagar í Bröndby unnu í dag stórsigur á SönderjyskE í dönsku úrvalsdeildinni í dag, 6-0.
Stefán lék allan leikinn í liði Bröndby og hið sama má segja um Sölva Geir Ottesen hjá SönderjyskE. Jan Kristiansen skoraði þrennu fyrir Bröndby en staðan í hálfleik var 2-0.
Bröndby kom sér á topp dönsku úrvalsdeildarinnar með sigrinum en bæði OB og FCK eiga leik til góða. SönderjyskE er í næstneðsta sætinu með ellefu stig eftir fimmtán leiki.
