Framtíð Delle Alpi ræðst í vor

Forráðamenn Juventus hafa gefið það út að niðurstöðu sé að vænta í vallarmálum liðsins í apríl í vor. Þar verður ákveðið hvort gamli Stadio delle Alpi verður endurbyggður eða hvort félagið reisir nýjan leikvang á sama svæði í Tórínó.

Juventus deilir Delle Alpi með grönnum sínum Torino en félagið hafði þegar ákveðið að endurskipuleggja vallarmálin áður en það var fellt niður í B-deild fyrir tveimur árum.

Þá eru stuðningsmenn Juventus eru óhressir með hlaupabrautirnar sem eru í kring um völlinn.