Guðjón Skúlason hefur engu gleymt

Gamla kempan Guðjón Skúlason sýndi og sannaði í dag að hann hefur engu gleymt þegar kemur að langskotunum.

Guðjón sigraði með yfirburðum í þriggja stiga skotkeppninni í Stjörnuleiknum.

Guðjón skaut þar með langskyttum dagsins í dag ref fyrir rass og vann öruggan sigur í fjögurra manna úrslitum þar sem hann mætti Nemanja Sovic, Magnúsi Gunnarssyni og Tyler Dunaway.

Flestar bestu skyttur Íslandssögunnar voru samankomnar í keppninni í dag, en engin þeirra átti möguleika gegn Keflvíkingnum knáa.

Forkeppni:

Magnús Þór Gunnarsson 14 stig

Guðjón Skúlason 12 stig

Nemanja Sovic 11 stig

Tyler Dunaway 11 stig

Logi Gunnarsson 10 stig

Jón Arnór Stefánsson 10 stig

Herbert Arnarsson 10 stig

Páll Axel Vilbergsson 9 stig

Falur Harðarson 9 stig

Vésteinn Sveinsson 8 stig

Teitur Örlygsson 8 stig

Valur Ingimundarson 8 stig

Kristinn Friðriksson 6 stig

Jakob Örn Sigurðarson 6 stig

Marel Guðlaugsson 6 stig

Úrslit:

Guðjón Skúlason 15 stig

Magnús Þór Gunnarsson 10 stig

Tyler Dunaway 9 stig

Nemanja Sovic 9 stig