Ragnar maður leiksins

Ragnar Sigurðsson var besti leikmaður IFK Gautaborgar sem vann 2-1 sigur á Djurgården á útivelli í gær samkvæmt Expressen.

Ragnar var eini maður liðsins sem fékk þrjá í einkunn en Hjálmar Jónsson fékk tvo, rétt eins og allir aðrir leikmenn Gautaborgar. Tveir leikmenn Djurgården fengu einnig þrjá í einkunn.

Ragnar lék á sínum stað í hjarta varnarinnar allan leikinn, við hlið Hjálmars sem var á sínum stað í stöðu vinstri bakvarðar.

Alls fá sex leikmenn Gautaborgar þrjá í einkunn í Aftonbladet. Ragnar og Hjálmar eru báðir í þeim hópi. Enginn í Djurgården fékk þrjá hjá blaðamönnum Aftonbladet.

Þjálfarar fá einnig einkunn í blöðunum og fékk Sigurður Jónsson, þjálfari Djurgården, tvo í einkunn hjá báðum blöðum.