Meistararnir unnu

IFK Gautaborg vann 2-0 sigur á AIK í sænsku úrvalsdeildinni í kvöld en Djurgården gerði markalaust jafntefli við GAIS í Íslendaslag.

Ragnar Sigurðsson og Hjálmar Jónsson voru á sínum stað í byrjunarliði IFK og léku allan leikinn.

Sölvi Geir Pttesen var í byrjunarliði Djurgården en var tekinn af velli á 69. mínútu. Eyjólfur Héðinsson lék allan leikinn í liði GAIS en Jóhann B. Guðmundsson sat allan tíman á bekknum.

Þá vann Ljungskile 2-1 útisigur á Trelleborg.

Kalmar er á toppi deildarinnar með fjögurra stiga forystu á IFK Gautaborg og Djurgården sem eru bæði með tólf stig.

GAIS er í ellefta sæti deildarinnar með sex stig.