Viðskipti erlent

Hagnaður Google fram úr væntingum

Larry Page og Sergei Brin, stofnendur Google.
Larry Page og Sergei Brin, stofnendur Google. Mynd/AFP

Bandaríski netleitarrisinn Google kom talsvert betur inn í árið en spáð hefur verið. Félagið hagnaðist um 1,31 milljarð dala, jafnvirði 98,5 milljarða íslenskra króna, á fyrsta ársfjórðungi, sem er þrjátíu prósenta aukning á milli ára.

Tekjur námu 5,19 milljörðum dala, sem er 42 prósenta aukning og slær á hrakspár manna um samdrátt í einkaneyslu og auglýsingasölu, að sögn breska ríkisútvarpsins (BBC). Rétt rúmur helmingur teknanna kemur utan Bandaríkjanna.

BBC hefur eftir Eric Schmidt, forstjóra Google, að endalaus nýsköpun innan dyra fyrirtækisins hafi hjálpað til.

Gengi hlutabréfa í Google lækkaði lítillega á bandarískum hlutabréfamarkaði áður en afkomutölurnar lágu fyrir í gær. Tölurnar birtust hins vegar eftir lokun markaða og skaust gengið upp um 18 prósent í utanmarkaðsviðskiptum. Viðskipti hefjast á bandarískum hlutabréfamarkaði á öðrum tímanum í dag að íslenskum tíma.

Erlent Fréttir Viðskipti


Mest lesið


Fleiri fréttir

Sjá meira


×

Mest lesið