Fínn hringur hjá Birgi Leif

Birgir Leifur Hafþórsson lék í dag á einu höggi undir pari á móti í Frakklandi sem er hluti af Evrópumótaröðinni í golfi.

Hann er sem stendur í 31.-37. sæti en keppni er þó ólokið í dag.

Hann fékk þrjá fugla í dag og tvo skolla.

Birgir Leifur byrjaði illa á mótinu og lék á 76 höggum á fyrsta keppnidegi. En hann náði sér vel á strik í gær og bætti sig þá um átta högg er hann lék á þremur höggum undir pari. Hann er því samtals á einu höggi yfir pari.