KR-ingar komnir áfram eftir glæsilegt jafntefli í Grikklandi

KR er komið í næstu umferð Evrópudeildarinnar eftir 1-1 jafntefli gegn Larissa í Grikklandi. KR vann sem kunnugt er fyrri leikinn á KR-vellinum 2-0 og því samanlagt 3-1 í einvíginu og mætir Basel frá Sviss í næstu umferð.

Larissa komst yfir í leiknum eftir hálftíma leik og KR-ingar áttu í vök að verjast í fyrri hálfleik.

Grétar Sigfinnur Sigurðsson jafnaði hins vegar leikinn á 75. mínútu og KR-ingar sigldu þessu svo í höfn. Sannarlega glæsilegur árangur hjá KR-ingum.