Fótbolti

Carragher: Við vorum ekki góðir

Eiríkur Stefán Ásgeirsson skrifar
Fernando Torres í leiknum í kvöld.
Fernando Torres í leiknum í kvöld. Nordic Photos / Getty Images

 

Jamie Carragher, leikmaður Liverpool, sagði að sínir menn hafði ekki spilað neitt sérstaklega vel þegar að liðið vann 1-0 sigur á ungverska liðinu Debrecen í Meistaradeild Evrópu í kvöld.

Dirk Kuyt skoraði eina mark leiksins í lok fyrri hálfleiks eftir að hann fylgdi eftir skoti Fernando Torres sem var varið.

„Við spiluðum ekki vel og vitum við það vel,“ sagði Carragher eftir leikinn. „Við vildum þó fyrst og fremst vinna leikinn til að koma okkur upp úr riðlinum eins snemma og mögulegt er. Þetta var ekki okkar besta frammistaða í kvöld en hún dugði til.“

 

Rafa Benitez, stjóri Liverpool, var nokkuð sáttur við sína menn. „Við fengum þrjú eða fjögur ágæt færi og þetta hefði verið einfaldara hefðum við nýtt færin okkar,“ sagði Benitez. „En þetta fór 1-0 og það mikilvæga var að við fengum þrjú stig.“

Meistaradeild Evrópu

Mest lesið


Fleiri fréttir

Sjá meira


×

Mest lesið