Selfoss aftur á toppinn - Sævar með tvö

Sævar Þór Gíslason skoraði bæði mörk Selfoss í 2-1 sigri liðsins á Fjarðabyggð. Leiknum var að ljúka á Selfossi en hann var mjög fjörugur.

Jóhann Benediktsson kom Fjarðabyggð yfir úr vítaspyrnu eftir 20. mínútur en þá var Selfyssingnum Stefáni Ragnari Guðlaugssyni vikið af velli. Heimamenn gáfust þó ekki upp, jöfnuðu og komust yfir með mörkum sitt hvoru megin við hálfleikinn.

Sævar skoraði fyrst á 40. mínútu og aftur á 48. mínútunni. Síðari hálfleikur var jafn og fengu bæði lið tækifæri til að skora fleiri mörk.

Selfoss er í efsta sæti deildarinnar með nítján stig en Fjarðabyggð í fjórða sæti með þrettán.

Smelltu hér til að skoða stöðuna í 1. deild af vef KSÍ.