Beckham verður á bekknum á morgun

David Beckham verður á varamannabekk AC Milan á morgun þegar liðið mætir Roma í stórleik í ítölsku A-deildinni.

"Beckham er klár í að spila þó hann hafi ekki spilað í tvo mánuði. Það er því erfitt að ætla honum að vera í byrjunarliði strax," sagði Carlo Ancelotti þjálfari Milan.

"Við erum ánægðir með hann en hann verður bara hjá okkur í tvo mánuði. Ef hann vill vera lengur er það fínt en hann ég á von á að hann standi við gerða samninga (við LA Galaxy)," sagði Ancelotti.