Mourinho hefur ekki áhuga á Jenas

Jose Mourinho, þjálfari Ítalíumeistara Inter, segir þær sögusagnir að hann hafi áhuga á Jermaine Jenas úr lausu lofti gripnar. Harry Redknapp, stjóri Tottenham, ákvað í kjöfar sögusagnana að gefa það út að Jenas væri ekki til sölu.

Mourinho segist ekki vera að reyna að krækja í Jenas. Telur hann að þessar sögusagnir hafi komist á kreik í kjölfar draumaliðsleiks Daily Telegraph. Blaðið greiddi Mourinho pening fyrir að taka þátt og var Jenas meðal þeirra leikmanna sem Mourinho valdi í lið sitt.