Árni Gautur Arason og félagar í Odd Grenland máttu sætta sig við 1-0 tap á móti Aelesund í undanúrslitaleik norska bikarsins í dag. Tor Hogne Aaröy skoraði sigurmarkið eftir klukkutíma leik.
Árni Gautur stóð í marki Odd Grenland allan leikinn en félagið var að reyna komast í fyrsta bikarúrslitaleik sinn í sjö ár.
Þetta var aftur á móti í fyrsta sinn sem Aelesund kemst alla leið í bikarúrslitaleikinn þar sem þeir mæta Molde á Ullevaal 8. nóvember næstkomandi.
