Sigurður stillir upp í 4-5-1 gegn Noregi

Íslenska kvennalandsliðið mætir á miðvikudag Norðmönnum í fyrsta leik sínum á Algarve Cup. Leikurinn hefst klukkan 15:00 á íslenskum tíma en Sigurður Ragnar Eyjólfsson, landsliðsþjálfari, hefur tilkynnt byrjunarliðið.

Þetta æfingamót er stór hluti af undirbúningi liðsins fyrir úrslitakeppni Evrópumóts landsliða sem verður í sumar. Ísland er í riðli með Noregi, Bandaríkjunum og Danmörku á Algarve Cup.

Ísland mun spila 4-5-1 gegn Noregi með Margréti Láru Viðarsdóttur í fremstu víglínu.

Byrjunarlið:

Guðbjörg Gunnarsdóttir, markvörður

Ásta Árnadóttir, hægri bakvörður

Katrín Jónsdóttir (f), miðvörður

Guðrún Sóley Gunnarsdóttir, miðvörður

Ólína G. Viðarsdóttir, vinstri bakvörður

Edda Garðarsdóttir, varnartengiliður

Dóra Stefánsdóttir, varnartengiliður

Dóra María Lárusdóttir, hægri kantur

Sara Björk Gunnarsdóttir, sóknartengiliður

Hólmfríður Magnúsdóttir, vinstri kantur

Margrét Lára Viðarsdóttir, framherji