Nash gaf 18 stoðsendingar í sigri Suns

Tveir leikir voru í NBA deildinni í körfubolta í nótt. Phoenix lagði Toronto 117-113 í fjörlegum leik í Kanada og Miami skellti Oklahoma á útivelli 104-94.

Amare Stoudemire var atkvæðamestur í liði Phoenix gegn Toronto og skoraði 31 stig, en Steve Nash var með 9 stig og 18 stoðsendingar. Anthony Parker skoraði 26 stig fyrir Toronto.

Dwyane Wade var að venju besti maður Miami í sigrinum á Oklahoma og skoraði 32 stig og gaf 10 stoðsendingar. Kevin Durant skoraði 31 stig fyrir Oklahoma sem hefur aðeins unnið átta leiki á leiktíðinni í 42 leikjum.

Staðan í NBA