Romo á föstu með fyrrum fegurðardrottningu

Tony Romo, hinn hæfileikaríki leikstjórnandi Dallas Cowboys, gladdi stuðningsmenn félagsins í sumar þegar hann ákvað að slíta sambandi sínu við söngkonuna Jessicu Simpson.

Spilamennska Romo versnaði til muna eftir að þau byrjuðu saman og stuðningsmennirnir kenndu henni um.

Romo lét Simpson gossa rétt fyrir 29 ára afmælið hennar og hefur sést með hinum og þessum konum síðan.

Hann ku nú vera kominn á fast með Candice Crawford sem eitt sinn var valinn ungfrú Missouri.

Hún er sjónvarpskona í dag og merkilegt nokk þá fjallar hún um íþróttir. Hún sérhæfir sig í fréttum af Cowboys og ætti ekki að vera í vandræðum með að fá fréttir af liðinu núna.