Þór í Pepsi-deildina - Fjarðabyggð féll

Þór frá Akureyri er komið upp í Pepsi-deildina og Fjarðabyggð er fallið eftir dramatíska lokaumferð í 1. deild karla.

Þór varð að vinna Fjarðabyggð og treysta á hagstæð úrslit í leik Leiknis og Fjölnis til þess að komast upp. Pétur Georg Markan afgreiddi Leikni með þrem mörkum á sama tíma og Þór slátraði Fjarðabyggð, 9-1.

Þetta risatap Fjarðabyggðar varð þess valdandi að liðið sigldi undir Gróttu í töflunni en Grótta var lengi vel á leiðinni niður. Jöfnunarmark Seltirninga í blálokin gulltryggði þó sætið

Víkingur vinnur aftur á móti 1. deildina en Breiðhyltingar naga sig í handarbökin eftir klúður dagsins.

Úrslit lokaumferðarinnar.

Leiknir-Fjölnir  1-3

Helgi Pétur Jóhannsson - Pétur Georg Markan 3.

Þór-Fjarðabyggð  9-1

Ármann Pétur Ævarsson 3, Ottó Hólm Reynisson 2, Alexander Linta, Nenad Zivanovic, Jóhann Helgi Hannesson, Þorsteinn Ingason - Aron Már Smárason.

Víkingur-HK  3-1

Þorvaldur Sveinn Sveinsson, Viktor Guðmundsson, sjm - Birgir Magnússon.

Njarðvík-Grótta  1-1

Andri Fannar Freysson - Knútur Jónsson.

ÍA-KA  5-1

Gary Martin 3, Guðmundur Böðvar Guðjónsson, Guðjón Heiðar Sveinsson - Janez Vrenko.

Þróttur-ÍR  1-1

Mouamer Sadukovic - Tómas Agnarsson.

Upplýsingar fengnar frá fótbolti.net