Snæfellingar þremur stigum yfir í hálfleik

Snæfell er þremur stigum yfir á móti Grindavík, 44-41, í hálfleik á úrslitaleik karla í Subwaybikar karla í Laugardalshöllinni. Leikurinn hefur haldist jafn allan hálfleikinn en Snæfell náði frumkvæðinu með því að skora þrettán stig í röð um miðjan annan leikhluta og komast með því í 36-30.

Grindavík byrjaði betur ekki síst þökk sé góðs leiks Brenton Birmingham og Grindvíkingar voru 20-18 yfir eftir fyrsta leikhlutann eftir að liðið skoraði fjögur síðustu stig hans.

Sean Burton er búinn að skora 12 stig fyrir Snæfell, Jón Ólafur Jónsson er með 10 stig og Hlynur Bæringsson hefur skorað 9 stig og tekið 8 fráköst. Þorleifur Ólafsson er stigahæstur hjá Grindavík með 11 stig og Darrel Flake hefur skorað 8 stig en hefur einnig fengið 3 villur.