Dýrasti skilnaður sögunnar í uppsiglingu

Hjónin sem hér um ræðir eru Frank og Jamie McCourt og íþróttaliðið er hafnarboltaliðið Los Angeles Dodgers, eitt það árangursríkasta í Bandaríkjunum þegar tekjur af slíkri starfsemi eru metnar.

Eiginkonan Jamie var forstjóri liðsins þar til eignmaðurinn Frank rak hana úr starfinu í fyrra. Í skilnaðarmálinu gerir Jaime kröfu um að fá starfið aftur og staðhæfir að hún eigi enn helming liðsins. Þar að auki krefst hún þess að fá aftur bílastæðið sitt við Dodger leikvanginn.

Í umfjöllun um málið í Daily Mail segir að fyrir utan framangreint fari Jaime fram á milljón dollara á mánuði í framfærslukostnað, 9 milljónir dollara til að borga skilnaðarlögmönnum sínum, ótæmandi ferðalagasjóð og öryggisvakt allan sólarhringinn.

Frank McCourt hefur hafnað þessum kröfum þar sem hann segist aðeins vinna sér um um 5 milljónir dollara á ári þessa dagana vegna kreppunnar. Frank hefur boðið fyrrum eiginkonu sinni 150.000 dollara á mánuði í framfærslukostnað, eða rúmlega 19 milljónir kr. Ef hún þurfi eitthvað meira hefur Frank bent henni á að selja eignir.

Eignir þeirra hjóna eftir 30 ára hjónaband eru talsverðar eða um 1,2 milljarðar dollara. Stærsta eignin er Los Angeles Dodgers en liðið er metið á 800 milljónir dollara. Í eignasafninu eru einnig sex vegleg heimili víða um Bandaríkin, lystisnekkja og einkaþota svo eitthvað sé nefnt.

Ástæða skilnaðarins er hefðbundin, þau ásaka hvort annað um framhjáhald. Málið er rekið fyrir dómstól í Kaliforníu.