Undanúrslitin í körfunni hefjast í kvöld

Það er lítið páskafrí hjá körfuknattleiksmönnum því undanúrslitin í Iceland Express-deild karla fara af stað með látum í kvöld.

Þá byrja báðar undanúrslitarimmurnar. KR tekur á móti Snæfelli og Njarðvík sækir Keflavík heim. Báðir leikir hefjast klukkan 19.15.

KR sópaði ÍR út úr átta liða úrslitunum og slík hið sama gerði Snæfell við Grindavík.

Tvær af helstu hetjum Keflavíkur síðustu ár, Sigurður Ingimundarson og Magnús Þór Gunnarsson, mæta á sinn gamla heimavöll í kvöld og verður það eflaust skrýtin tilfinning fyrir þá báða.

Bæði Keflavík og Njarðvík þurftu að vinna oddaleiki til þess að komast í undanúrslit. Keflavík gegn Tindastól og Njarðvík gegn Stjörnunni.