Trezeguet gæti verið á förum til Brasilíu

Franski framherjinn David Trezeguet er á förum frá Juventus í sumar og hefur þegar verið orðaður við fjölda félaga út um alla Evrópu.

Hann er nú orðaður við brasilíska félagið Corinthians sem kemur nokkuð á óvart. Það var Roberto Carlos sem greindi frá því að Trezeguet væri að íhuga að fara til Brasilíu.

„Vinur minn í Frakklandi, sem er náinn Trezeguet, sagði að David hefði lýst yfir áhuga á að koma til Corinthians," sagði Carlos.

Trezeguet er einnig orðaður við félög í Bandaríkjunum.