Margrét Lára með mark og stoðsendingu í sigri Kristianstad

Margrét Lára Viðarsdóttir skoraði eitt og lagði upp annað í 3-1 sigri Kristianstad á Umeå IK í sænska kvennaboltanum. Kristianstad hefur náð í 10 stig út úr fyrstu fimm leikjum sínum undir stjórn Elísabetar Gunnarsdóttur og er í toppbarátunni í deildinni.

Kristianstad fékk algjört draumabyrjun í leiknum, því Antonia Göransson skoraði á 3. mínútu og mínútu síðar var Margrét Lára búin að leggja upp mark fyrir fyrirliðann Susanne Moberg. Margrét Lára skoraði síðan þriðja markið úr víti á 59. mínútu en Umeå náði að minnka muninn á 74. mínútu.

Erla Steina Arnardóttir spilaði sem markvörður í þessum leik í forföllum aðalmarkvarðarins Söndru Wahldén en Erla spilar vanalega í miðri vörn liðsins. Margrét Lára var allan tímann í framlínunni. Guðný Björk Óðinsdóttir var líka í byrjunarliðinu en fór útaf á 64. mínútu.